ئامېرىكا ئەمگەك مىنىستىرلىقى ئالدىنقى ھەپتىنىڭ جۈمە كۈنى ئېلان قىلغان سانلىق مەلۇماتتا كۆرسىتىلىشىچە، 1-ئايدا يېزا ئىگىلىكىدىن باشقا ئىشقا ئورۇنلىشىش ئىش ئورنى 353 مىڭ كۆپەيگەن بولۇپ، ئاساسەن ئىقتىسادشۇناسلار مۆلچەرلىگەن 180 مىڭ ئىش ئورنىنىڭ ئىككى ھەسسىسىگە توغرا كېلىدىكەن. ئامېرىكا دوللىرى كۆرسەتكۈچى دۈشەنبە كۈنى% 0.5 ئۆرلەپ، ئۈچ ئايغا يېقىن ۋاقىتتىن بۇيانقى ئەڭ يۇقىرى نۇقتا 104.60 كە يېتىپ، 11-ئاينىڭ 14-كۈنىدىن بۇيانقى يېڭى يۇقىرى نۇقتا ، 104.45 نى كۈتىۋالغان، 100مۇنداقچە قىلىپ ئېيتقاندا،100كۈنلۈك ئوتتۇرىچە سىزىقنى قايتۇرۇۋېلىپ، بارلىق ئوتتۇرىچە سىزىقنىڭ ئۈستىدە تۇرغان. ۋە10 يىللىق قەرەللىك ئامېرىكا زايومىنىڭ پايدا نىسبىتىدىمۇ بىر ھەپتىلىك يېڭى يۇقىرى سەۋىيە يارىتىلىپ،% 4.162 كىرىم قىلىنىپ، 200 كۈنلۈك ئوتتۇرىچە سىزىقنىڭ ئۈستىدە تۇرغان. مىننىياپولىس بىرلەشمە زاپاس پۇل كومىتېتىنىڭ رەئىسى كاشكالى ( Neel Kashkari ) دۈشەنبە كۈنى مۇنۇلارنى بىلدۈرگەن : ئامېرىكا ئىقتىسادىنىڭ ئېلاستىكلىقى ۋە تېخىمۇ يۇقىرى نېيترال ئۆسۈم نىسبىتى ئۆسۈم نىسبىتىنى تۆۋەنلىتىشنى قارار قىلىشتىن بۇرۇن بىر مەزگىل ساقلاشقا توغرا كېلىدىغانلىقىدىن دېرەك بېرىدۇ. يەكشەنبە كۈنى كەچتە قويۇلغان CBS ئاخبارات پىروگراممىسى «60 مىنۇت»لىق مەخسۇس زىيارەتتە، ئامېرىكا فېدېراتسىيە زاپاس پۇل كومىتېتىنىڭ رەئىسى پاۋېل مۇنداق دېگەن:ئىقتىسادنىڭ كۈچلۈك بولۇشى ئامېرىكا فېدېراتسىيە زاپاس پۇل كومىتېتى ئەمەلدارلىرىنى پۇل پاخاللىقىنىڭ سىجىل تۆۋەنلىشىگە قارىتا ئىشەنچ تۇرغۇزۇش ئىمكانىيىتىگە ئىگە قىلدى، بىرلەشمە زاپاس پۇل كومىتېتى ئۆسۈم نىسبىتىنى قاچان تۆۋەنلىتىشنى «ئېھتىياتچانلىق»بىلەن قارار قىلسا بولىدۇ. ئامېرىكا فېدېراتسىيە زاپاس پۇل كومىتېتىنىڭ كۆزىتىش قورالىدا كۆرسىتىلىشىچە، سودا خادىملىرى نۆۋەتتە ئامېرىكىنىڭ 5-ئايدا ئۆسۈم نىسبىتىنى تۆۋەنلىتىش مۇمكىنچىلىكىنىڭ تەخمىنەن% 65 بولىدىغانلىقىنى مۆلچەرلىگەن. بىرقەدەر تۆۋەن ئۆسۈم نىسبىتى ئالتۇننىڭ جەلپ قىلىش كۈچىنى ئاشۇردىكەن.
مەزكۇر ماقالە ئىلكان تورى تەرىپىدىن تەرجىمە قىلىنغان، قالايمىقان كۆچۈرۈش ۋە ئۆزگەرتىپ تارقىتىش بىردەك چەكلىنىدۇ، ئەگەر يۇقىرقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىنىدۇ.
