دۈشەنبە ( 1-ئاينىڭ 8-كۈنى ) ئاسىيا ئەتىگەنلىك بازاردا، نەق مال ئالتۇن ئاساسىي جەھەتتىن مۇقىم بولۇپ، نۆۋەتتە 2045 ئامېرىكا دوللىرى ئۇنسىيەدە سودا ئېلىپ بارغان. ئالدىنقى ھەپتىنىڭ جۈمە كۈنى ئېلان قىلغان غەيرى يېزا ئىگىللىكى سانلىق مەلۇماتى تۈپەيلىدىن ئالتۇن باھاسىدا 40دوللارغا يېقىن داۋالغۇش كۆرۈلگەن، داڭلىق مالىيە تور بېكىتى FXDaily Report نىڭ تەھلىلچىسى Nicholas Kitonyi ماقالە يېزىپ، ئالتۇندىن كېيىنكى يۈزلىنىشنى تەھلىل قىلغان. Kitonyi مۇنداق يازغان:ئالدىنقى ھەپتىنىڭ بەشى، ئامېرىكىدا ئەڭ يېڭى بىر نۆۋەتلىك ئىقتىسادىي سانلىق مەلۇمات ئېلان قىلىنغاندىن كېيىن، ئالتۇن باھاسى تەخمىنەن 2062 ئامېرىكا دوللىرى ئۇنسىيەگە يېتىپ ئارقىدىن يەنە كۈندىلىك ئۆسۈشىدىن تەخمىنەن 2042 ئامېرىكا دوللىرى ئۇنسىيەگە چۈشكەن. Kitonyi مۇنداق كۆرسەتكەن:ئالتۇن باھاسى ھازىر 100 سائەتلىك يۆتكىلىش ئوتتۇرىچە سىزىقىدىن تۆۋەنلىدى. ئالدىنقى ھەپتىنىڭ جۈمە كۈنى ئاخىرقى باھادا قايتا تەڭشەش كۆرۈلۈپ، 14سائەتلىك نىسپىي كۈچلۈك كۆرسەتكۈچ ( RSI ) نىڭ زىيادە سېتىۋېلىش سەۋىيەسىگە كىرىشىنى توسقان. ئالدىنقى ھەپتىنىڭ جۈمە كۈنى نيۇ يورك ۋاقىت بۆلىكىدىكى ئەتىگەنلىك سودىدا بولسا، كۈچلۈك بولغان ئامېرىكىنىڭ يېزا ئىگىلىكىدىن باشقا دوكلاتىنىڭ تۈرتكىسىدە، ئامېرىكا دوللىرى كۆرسەتكۈچى تېز ئۆرلەپ، ئەڭ يۇقىرى بولغاندا 103.08 يۈەن بولغان، نەق مال ئالتۇن باھاسى زور دەرىجىدە چۈشۈپ، ئەڭ تۆۋەن بولغاندا 2024.36 دوللار ئۇنسىيە بولغان. ئامېرىكىنىڭ يېزا ئىگىلىكىدىن باشقا ئىشقا ئورۇنلىشىش سانلىق مەلۇماتىدا كۆرسىتىلىشىچە، ئامېرىكا ئىقتىسادىدا 12-ئايدا 216 مىڭ يېڭى خىزمەت ئورنى كۆپىيىپ، بازار كۆزلىمىسى 170مىڭدىن خېلىلا يۇقىرى بولغان . ئىشسىزلىق نىسبىتى% 3.7 مۇقىم بولۇپ، مۆلچەردىكى% 3.8 دىن تۆۋەن بولغان. ئوتتۇرىچە مائاشنىڭ ئايلىق نىسبىتى% 0.4 ئېشىپ، بازار مۆلچەرلىگەن% 0.3 تىن يۇقىرى بولغان.
مەزكۇر ماقالە ئىلكان تورى تەرىپىدىن تەرجىمە قىلىنغان، قالايمىقان كۆچۈرۈش ۋە ئۆزگەرتىپ تارقىتىش بىردەك چەكلىنىدۇ، ئەگەر يۇقىرقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىنىدۇ.
